z’Biud

Ig hocke ufere Insle, pinsle a mim Biud,
sisch e Schmätterling ufere Paume u drunger es Chind.
Sisch blind, het hunger, us nimmts wunger wos isch,
es füeut, wüeut im Gras u fragt mi: „wo bisch?“

S’ghört mi chratze a mire Glatze, doch mini Fratze chas nid gseh,
denn dört woni bi, ischs wiis wi Schnee.
Sisch eis vo viune Schtiune, wo me nid ghört,
doch d’Hoffnig ide Ouge, isch das won üs schtört

Es geit üs ads Gwüsse, z’wüsse mit üsne Händ,
chönnt me nim häufe ine besseri Wäut.
Fertig mit’em Biud, da hani d’Idee,
i hänkes ufe Dorfplatz, wos au chöi gseh !

words & music by chrigu brütsch
chrigu: Gesang, akustische Gitarren, Akkordeon, Kontra-Bass